domingo, 24 de noviembre de 2013

Día Internacional da Eliminación da Violencia contra a Muller

O día 25 de novembro celébrase o "Día da Eliminación da Violencia contra as mulleres"
Elixiuse o 25 de novembro para conmemorar ás irmás Mirabal, tres activistas políticas que foron brutalmente asasinadas en 1960 por orde do gobernante dominicano Rafael Trujillo.

Para este ano, a ONU fainos unha bonita proposta: pintar o mundo de laranxa en 16 días. É dicir, manter unha actitude activa contra o maltrato. 
Sabes que, nalgúns países, a muller é un ser desprovisto de dereitos...? En Paquistán, as mulleres están obrigadas a levar burka, unha prenda de roupa que tapa completamente o seu corpo e a súa cara. Neste país, ser muller e mestra é moi perigoso: Shahnaz Nazli foi asasinada este ano por dar clase a nenas. 

Por contar nun blog (baixo pseudónomo) os problemas que teñen as nenas paquistaníes para recibir unha educación, a nena Malala Yousafzai  foi tiroteada. Afortunadamente, tras quedar nun estado moi grave, conseguíu recuperarse das feridas recibidas.

lunes, 18 de noviembre de 2013

El sitio del agua

Queredes saber todo sobre a auga? Premede na imaxe e atoparedes unha información moi interesante.

http://www.elsitiodelagua.com/GL/Un
Espero que vos guste tanto como a nós.

sábado, 16 de noviembre de 2013

DÍA DO CONTO: A QUE SABE A LÚA


Quen non soñou algunha vez con darlle un mordisco á lúa? 
Este foi precisamente o desexo dos animais deste conto. Só querían probar un anaco pero, por máis que estirábanse, non eran capaces de tocala. Entón, a tartaruga tivo unha idea xenial : “Quizáis entre todos podamos alcanzala”....
Marta, de 5ºB fixo un traballo extraordinario con este conto de Michael Grejniec, da Editorial Kalandraka; e contou coa axuda de Janira e Cynthia, tamén da súa clase.
Elaborou un panel decorado, uns animais de quita e pón, e fixo participar aos nenos e nenas de 2º que viñeron a compartir connosco este conto.
Deixámosvos aquí as fotos do momento.

lunes, 11 de noviembre de 2013

"POLO SAN MARTIÑO, PEÓNS AO CAMIÑO"

Hoxe celebramos o "Día do peón". Vai haber unha exhibición na que poderemos ver as grandes habilidades dos nosos rapaces e repazas facendo bailar a peonza.
No vestíbulo do noso centro podemos gozar coa exposición de peóns decorados por toda a comunidade educativa.Moitas grazas pola  vosa importantísima colaboración.

Na "Hora de ler" gozaremos coa  lectura de "O peón de buxo" do noso gran escritor Agustín Fernández Paz


Un peón de buxo

Nos meus anos de neno, naquela Vilalba da gris década dos cincuenta, o tempo tiña unha dimensión circular; o paso das estación traía cada ano as mesmas festas, os mesmos labores comunais e, tamén, os mesmos xogos. Cando chegaba o tempo dos peóns, meu irmán Luís e mais eu gozabamos dun singular privilexio. Os outros nenos do barrio mercaban os seus nas tendas da vila, sobre todo na de Gaioso. Alí habíaos de diversas formas e tamaños, coas franxas de cores impecablemente pintadas sobre a madeira clara. Todos moi feitiños e vistosos, mais ben se notaba que eran “de fábrica”.
O orgullo meu e de Luís nacía de que os nosos peóns eran distintos: estaban feitos por meu pai, na carpintería familiar onde traballaban todos os irmáns.
Pecho os ollos e aínda podo velo. Meu pai collía un pau de buxo, suxeitábao no torno que había nun cuarto entre o taller e o serradoiro e, con aquelas trenchas especiais que tiñamos prohibido tocar, facía saltar as labras polo aire, ao tempo que o recinto todo se inundaba co recendo de madeira. E así, co paso dos minutos, ía aparecendo o peón gardado no corazón do buxo. Despois de lixalo e de lle colocar a punta metálica, pintáballe unhas liñas vermellas e verdes, mais imperfectas que as dos do comercio, pero tamén mais verdadeiras.
Cando se trataba de lanzar os peóns e ver cal duraba mais tempo, ou cal durmía mellor (que así lle chamabamos a ese intervalo máxico en que o peón parece inmóvil, coma si estivese a soñar ou reconcentrado no seu xiro), quizais non tiñamos ningunha vantaxe especial. Mais se o xogo consistía nesa especie de combate en que os xogadores van tirando cadanseu peón, tratando de expulsar os dos outros do círculo marcado na terra ou no cemento, entón nós eramos os reis. Era aí, neses choques violentos que remataban tantas veces coa rotura do trompo adversario, cando tiñamos toda a vantaxe. Porque o noso podía sufrir croques, ou rabuñaduras superficiais, pero non quebraba. “É que o do Agustín é de buxo”, dicían os outros nenos, conscientes da impotencia do seu esforzo.
Desde hai uns anos, tamén o paso das estacións trae ata min outras Peonzas. Agora non son de buxo, senón de papel. Fálanme dos libros que eu quero, forman parte dun mundo no que me gusta estar. E ás veces, coma hoxe, conseguen ademais que saían da miña memoria as lembranzas da infancia, os peóns de buxo, o recendo da madeira, as mans e o acolledor sorriso de meu pai.

domingo, 10 de noviembre de 2013

DÍA DO CONTO: EU NON FUN!

E logo, quen foi?? Todo comezou cunha araña que ....
Queredes saber o que pasou coa araña, a vaca, o can, o porco, .... pois animámosvos a ler este conto divertido e sorprendente que contaron conxuntamente Elena e Lucía Iglesias (5ºB), este venres 8 na biblioteca do colexio.
Tivemos moito público xa que viñeron nenos e nenas de infantil, de 1º, de 2º, de 3º e de 5º. A cousa va animándose!!!
Aquí vos deixamos unha mostra do ben que o pasaron. 
 


 
 
 
 
 
 



jueves, 7 de noviembre de 2013

Los animales de Don Baltasar


Os rapaces e rapazas de 1º B gozaron coa representación teatral "Los animales de Don Baltasar", adaptación do conto "Fábula" de Beatriz Actis.


 Conta a historia dun home que se atopa un gato que muxe, un can que miaña, unha vaca que fai cua-cua e un pato que ladra.



Un espectáculo sen palabras onde as onomatopeias, as imaxes e a música son protagonistas.

martes, 5 de noviembre de 2013

PRESENTACIÓN OFICIAL DO LIBRO: "HISTORIA DE BIBLIOMISTOS"

O día da biblioteca escolar aproveitamos para facer a presentación oficial do libro elaborado polos alumnos de 6º do ano pasado sobre a Historia de Bibliomistos, a nosa mascota.
Aquí deixámosvos unha presentación de power point con toda a historia para que a poidades ler e ver con calma.
Esperamos que a disfrutedes tanto como o que disfrutaron os nenos e nenas que o fixeron.

MIGUELANXOPRADO PREMIO NACIONAL DO CÓMIC

 Miguelanxo Prado foi premiado co "Premio Nacional de Cómic" pola súa obra Ardalén.Todolos coruñeses e galegos podemos sentirnos orgullosos polo premio acadado.



Ardalén é a primeira banda deseñada galega que acada este premio. O xurado destacou o caracter poético da obra, que mestura a realidade co soño, a memoria e o esquecemento, e a súa mestría técnica no uso da cor.
Visita a súa páxina web http://www.miguelanxoprado.com/
Parabéns Miguelanxo!!